3 Minute

डीएसपी हुँ भन्दै ठगी गरेको आरोपमा २ जना पक्राउ

नेपाल शो

बुधबार, जेठ २८, २०८२

डीएसपी हुँ भन्दै ठगी गरेको आरोपमा २ जना पक्राउ

नेपाल प्रहरीको डीएसपी हुँ भन्दै ठगी गरेको आरोपमा प्रहरीले २ जनालाई पक्राउ गरेको छ ।

उनीहरुले प्रहरी हिरासतमा रहेको मानिससँग मुद्दा मिलाइदिन्छु भनेर ६ लाख रुपैयाँ लिएको पाइएको जिल्ला प्रहरी परिसर काठमाडौंले जनाएको छ ।

पक्राउ पर्नेमा काभ्रेको चौरीदेउराली-८ का ४५ वर्षका ज्ञानबहादुर लामा र सुनसरी इटहरीका ४२ वर्षका रेवती ओझा रहेका छन् ।

ज्ञानबहादुर २०७० फागुन २०देखि हातहतियार तथा खरखजाना मुद्दामा ५ वर्ष जेल बसेर छुटेका व्यक्ति हुन् । ओझाविरुद्ध भने २०७० वैशाखमा सार्वजनिक अपराध र जुवासम्बन्धी मुद्दा चलेको प्रहरीले जनाएको छ ।

प्रकाशित मिति: बुधबार, जेठ २८, २०८२