रास्वपा सांसदको नाराबाजीकै बीच संसद बैठक सञ्चालन 

राष्ट्रिय स्वतन्त्र पार्टीका सांसदको नाराबाजीका बीच प्रतिनिधिसभा बैठक सञ्चालन गरिएको छ ।

आइतबार दिउँसो प्रतिनिधिसभाको बैठक सुरु हुनेवित्तिकै राष्ट्रिय स्वतन्त्र पार्टी र राष्ट्रिय प्रजातन्त्र पार्टीका सांसदहरु उठेका थिए ।

तर सभामुखले आकस्मिक समयमा बोल्न दिने भन्दै सबै सांसदलाई बस्न आग्रह गरे र सुरुमा नेपाली कांग्रेस संसदीय दलका प्रमुख सचेतक श्यामकुमार घिमिरेलाई बोल्न समय दिए । 

त्यसपछि रास्वपा सांसदहरु वेलमा आएर नाराबाजी गर्न थाले भने राप्रपा सांसदहरु आफ्नो सिटमा उभिइरहे । रास्वपा सांसदहरुले गृहमन्त्रीको राजीनामा माग्दै नाराबाजी गरेका छन् । तर रास्वपा सांसदको नाराबाजीकै बीच सभामुख घिमिरेले संसद बैठक सञ्चालन गरे । 

कांग्रेस सांसद घिमिरेपछि एमाले सांसद योगेश भट्टराई, माओवादी केन्द्रका सांसद देवेन्द्र पौडेललगायत सांसदहरुले आकस्मिक समयमा बोलेका छन् ।