अदालतले माग्यो राजु पाण्डेलाई निलम्बन गर्नुको कारण

उच्च अदालत पाटनले काठमाडौं महानगरपालिकाका नगर प्रहरी प्रमुख राजुनाथ पाण्डेलाई निलम्बन गर्नुको कारण पेश गर्न आदेश दिएको छ । 

मंगलबार न्यायाधीश प्रकाश खरेलको इजलासले राजुनाथ पाण्डेलाई निलम्बनको कारण पेश गर्न महानगरपालिकाको नाममा आदेश दिएको हो । 

महानगरका प्रमुख प्रशासकीय अधिकृत सरोज गुरागाईंले जेठ २० गते नगर प्रहरी प्रमुख पाण्डेलाई ६ महिनाका लागि निलम्बन गरेका थिए । 

गत चैत २१ गते प्रमुख प्रशासकीय अधिकृत गुरागाईं हाजिर गर्न आउँदा नगर प्रहरीले अवरोध गरेको थियो । सोही विषयलाई लिएर गुरागाईंले पाण्डेलाई निलम्बन गरेका थिए । 

निलम्बनविरुद्ध अदालत गएका पाण्डेले आफूलाई पुनर्बहाली गर्न अन्तरिम आदेश माग गरेका थिए । तर उच्च अदालतले अन्तरिम आदेश भने दिएन । अन्तरिम आदेशका लागि छलफल गर्न बुधबारका लागि पेशी तोकिएको छ ।