चितवनमा नारायणीले बगाएको पुरुषको जीवितै उद्दार

चितवनमा नारायणी नदीले बगाएका एक जनालाई सशस्त्र प्रहरी बलले जीवितै उद्दार गरेको छ । 

भरतपुर महानगरपालिका–१ बाट नारायणी नदीले बगाएको ४०-५० वर्षका पुरुषलाई सशस्त्र प्रहरी बलको आईआरटी पोष्ट पुल्चोकको टोलीले जीवितै उद्दार गरेको हो । 

भरतपुर महानगरपालिकामा पुल्चोकमा नारायणी नदी किनारमै सशस्त्र प्रहरी बलको आईआरटी पोस्ट छ । सशस्त्र प्रहरी बलका सहप्रवक्ता शैलेन्द्र थापाका अनुसार त्यहाँ कार्यरत सशस्त्र प्रहरी बलको टोलीले नदीमा मानिस बगिरहेको देखपछि असई गंगाराज गोले लामाको कमाण्डको टोलीले उनलाई उद्दार गरेको हो । 

उद्दारपछि ती पुरुषलाई उपचारका लागि भरतपुर अस्पताल पठाइएको छ । उनी बोल्न नसक्ने अवस्थामा भएका कारण नाम ठेगाना भने खुलेको छैन ।