एकीकृत समाजवादीमा माधव नेपालबारे बोल्न निषेध

एकीकृत समाजवादीले पार्टी अध्यक्ष माधवकुमार नेपालबारे बोल्न रोक लगाएको छ ।

पतञ्जली जग्गा प्रकरणमा भ्रष्टाचारको मुद्दा चलेपछि अध्यक्ष नेपालमाथि प्रश्न उठेको छ । तर उनले संसदीय दलको नेता र अध्यक्ष पद छाडेका छैनन् ।

शनिबार एक सार्वजनिक कार्यक्रममा नेता रामकुमारी झाँक्रीले अर्ली महाधिवेशन गर्नु पर्ने मत राखेकी थिइन् । उनले कसैको नाम नलिई मरेको सिनो बोकेर हिँड्न सकिँदैन भनेपछि नेताहरु प्रतिवादमा उत्रिएका छन् ।

आइतबार महासचिव घनश्याम भुसालले वक्तव्य निकालेर पार्टीको आधिकारिक धारणासँग बाझिने गरी सार्वजनिक रुपमा नबोल्न र नलेख्न भनेका छन् । उनले भनेका छन्, ‘पार्टीमा आफ्ना धारणा राख्ने विधि र स्थानहरु छन भन्ने कुरामा हेक्का राख्न स कुनै पनि बहानामा सार्वजनिक वाद प्रतिवादमा नउत्रिन समेत सबैलाई आग्रह गर्दछ ।’

एकीकृत समाजवादीले पूर्व प्रधानमन्त्री नेपालविरुद्ध चलेको मुद्दामा राजनीतिक प्रतिशोध भनेको छ । 

हेर्नुहोस् एकीकृत समाजवादीको वक्तव्य