3 Minute

१०० औं अन्तर्राष्ट्रिय खेलमा नेपालको शानदार जित

नेपाल शो

आइतबार, असार १५, २०८२

१०० औं अन्तर्राष्ट्रिय खेलमा नेपालको शानदार जित

एएफसी वुमन्स एसिया कप छनोट फुटबलमा नेपालले सुखद सुरुवात गरेको छ । आइतबार भएको आफ्नो पहिलो खेलमा नेपालले लाओसलाई ९–० को फराकिलो अन्तरले हराएको छ ।

नेपालको जितमा कप्तान सावित्रा भण्डारी साम्बा एक्लैले चार गोल गरिन् । अनिता बस्नेत, अनिता केसी, सरु लिम्बु र रश्मीकुमारी घिसिङको नाममा पनि एक–एक गोल रह्यो । एक गोल भने आत्मघाती थियो ।

यो नेपालको १०० औं अन्तर्राष्ट्रिय खेल थियो र, पहिलो पटक साम्बालाई कप्तानको जिम्मेवारी दिइएको थियो ।

छनोटको समूह एफमा नेपाल र लाओससँगै श्रीलंका र उज्वेकिस्तान छन् । समूहबाट एक टिम मात्र अर्को वर्ष अष्ट्रेलियामा हुने एएफसी वुमन्स कपका लागि छनोट हुनेछन् ।

प्रकाशित मिति: आइतबार, असार १५, २०८२