सर्वोच्चको न्यायाधीशमा प्रस्तावित ३ जनाको नाम अनुमोदन

संघीय संसदको संसदीय सुनुवाइ समितिले सर्वोच्च अदालतको न्यायाधीशमा प्रस्तावित ३ जना र न्याय परिषद सदस्यमा प्रस्तावित एक जनाको नाम अनुमोदन गरेको छ । 

सोमबार बसेको समितिको बैठकले चारै जनाको नाम सर्वसम्मत अनुमोदन गरेको हो । तर सोमबारको बैठकमा माओवादीबाट सुनुवाइ समितिमा प्रतिनिधित्व गर्ने सांसदहरु भने अनुपस्थित भएका छन् । 

सर्वोच्च अदालतको न्यायाधीशमा प्रस्तावित हुनेमा कानुन व्यवसायी मेघराज पोखरेल र उच्च अदालतका मुख्य न्यायाधीशहरु श्रीकान्त पौडेल र शान्तिसिंह थापा थिए । त्यस्तै न्याय परिषदको सदस्यमा महेशकुमार नेपाल प्रस्तावित थिए । 

संसदीय सुनुवाइ समितिले नाम अनुमोदन गरेपछि अब राष्ट्रपतिले उनीहरुको नियुक्ति गर्नेछन् ।