अध्ययनविना चोभार गल्छी नचलाऔं, बाढीसँगै बाँच्न सिक्नुपर्छ

सरकारले काठमाडौं उपत्यकाभित्र बाढी बढेको भन्दै चोभारको गल्छी खोल्ने योजना बनाएको छ । काठमाडौंको पानी निस्किने एकमात्रै यो गल्छीका ५ वटा ठूला ढुंगा हटाउन सेनालाई जिम्मा पनि दिएको छ ।  

काठमाडौंको कीर्तिपुर–६ र ललितपुरमा १८मा पर्ने यो गल्छीमा वर्षायाम अगावै काम सुरु हुने भनिएको  छ । तर, न चोभार गल्छी किन र कसरी खोल्ने अनि खोलेपछि के हुन्छ भन्नेबारे सामान्य अध्ययन भएको छ, न स्थानीय र सरोकारवालासँग कुनै छलफल भएको छ । 

प्रा.डा. नरेन्द्रमान शाक्य पनि विज्ञहरुबाट राम्रो अध्ययन नभई चोभार गल्छीमा केही गर्न नहुने बताउँछन् । अध्ययनबाट आएको निष्कर्षबारे स्थानीयहरुसँग छलफल गरेर मात्रै गल्छीलाई चलाउन सकिने उनको भनाइ छ । 

तर, चोभार गल्छी चलाउने भन्दा पनि अरु विकल्पहरुमा काम गर्नुपर्ने उनको मत छ । काठमाडौं उपत्यकाभित्रका नदी तथा खोलाहरुमा बाढी आउने क्षेत्र मिचेर घरवस्ती बसालिएकाले अब बाढीको ‘पिक’लाई काम गर्न वैकल्किप उपायहरु खोज्नुपर्ने उनको भनाइ छ । 

चोभार गल्छी, बाग्मती नदी, प्रस्तावित नागमती ड्याम र काठमाडौंको बाढीका कारण तथा समाधानका उपायहरुबारे गरिएको यो प्रा. डा. नरेन्द्रमान शाक्यसँगको पडकास्ट ।