मदन भण्डारी फाउण्डसेनमा ओलीको ठाउँ लिँदै विद्या भण्डारी

मदन भण्डारी फाउण्डसेनले मदन भण्डारीको ७५ औं जन्मजयन्ती मनाउन मूल समारोह समिति बनाएको छ । जसमा फाउन्डेसनको संरक्षक रहेका प्रधानमन्त्री एवं एमाले अध्यक्ष केपी शर्मा ओलीलाई  राखिएको छैन । बरु संरक्षकका रुपमा पूर्व राष्ट्रपति विद्यादेवी भण्डारीलाई राखिएको छ । 

फाउन्डेसनले मंगलबार मदन भण्डारीको ७५ औं जन्म जयन्तीको तयारीबारे जानकारी दिन पत्रकार सम्मेलनन गरेको थियो । त्यसक्रममा मदन भण्डारीको ७५ औं जन्मजयन्ती मूल समारोह समितिबारे जानकारी दिइएको थियो । 

जसमा संरक्षकमा  पूर्व राष्ट्रपति भण्डारीको नाम छ । १४ असारमा फाउन्डेसनले गरेको कार्यक्रममा ओली पनि संरक्षक भएको जानकारी दिइएको थियो । तर जन्मजयन्ती समारोह समितिमा भने उनी अटेनन् । 

सल्लाहकार समितिमा महेन्द्रबहादुर पाण्डे, सोमनाथ अधिकारी, युवराज कार्की र वाचश्पति देवकोटा छन् । पूर्व मुख्यमन्त्री डोरमणि पौडेलको संयोजक छन् भने सुशील प्याकुरेल,गणेशमान गुरुङ सहसंयोजक छन् भने भेषराज अधिाकरी सचिव छन् ।

सदस्यहरुमा एमाले नेताहरु समेत छन् । फाउण्डेसनकी अध्यक्ष उषाकिरण भण्डारी छन् । उनी मदन र विद्याकी छोरी हुन् ।

हेर्नुहोस् मदन भण्डारीको जन्मजयन्ती मूल समारोह समितिमा को को छन् ?