बढ्यो न्यूनतम तलब, पार्टटाइमरलाई घण्टाको १०७ रुपैयाँ

श्रमिकले पाउने न्यूनतम पारिश्रमिक बढेको छ । सरकारले साउन १ देखि नै लागु हुने गरी न्यूनतम पारिश्रमिक बढाएको हो । 

अब श्रमिकले मासिक १९ हजार ५५० रुपैयाँ अब न्यूनतम तलब पाउने छन् । यो तलब कायम गर्न सरकार, रोजगारदाता र ट्रेड युनियनबीच सहमति भएपछि श्रम, रोजगार तथा सामाजिक सुरक्षा मन्त्रालयले सूचना निकालेको छ । 

अहिले श्रमिकको न्यूनतम तलब १७ हजार ३ सय रुपैयाँ छ । अब २ हजार २५० रुपैयाँ बढाएर १९ हजार ५५० पुर्‍याइएको हो । 

या तलब चिया बगानमा काम गर्ने श्रमिकको हकमा भने लागु हुनेछैन । मन्त्रालयले अब न्यूनतम दैनिक ज्याला ७५४ रुपैयाँ कायम गरेको छ । श्रमिकले प्रतिघण्टा न्यूनतम १०१ रुपैयाँ तलब पाउनुपर्नेछ । 
पार्ट टाइमरका लागि प्रतिघण्टा १०७ रुपैयाँ तोकिएको छ । 

श्रमिकहरुले  कम्तीमा २१ हजार तलब पुर्याउनुपर्ने माग गरेका थिए । तर, रोजगारदाता तयार नभएपछि घटेरै सहमति भएको हो ।