बागमतीको मुख्यमन्त्रीमा कांग्रेस नेता बानियाँको दाबी

बागमती प्रदेशको मुख्यमन्त्रीमा नेपाली कांग्रेसका नेता इन्द्रबहादुर बानियाँले दाबी पेश गरेका छन् ।

सोमबार प्रदेश प्रमुख दीपकप्रसाद देवकोटाले निवर्तमान मुख्यमन्त्री बहादुर सिंह लामाको राजीनामा स्वीकृत गर्दै नयाँ मुख्यमन्त्रीका लागि साउन २० गते दिउँसो २ बजेभित्र दाबी पेश गर्न आह्वान गरेका थिए ।

प्रदेश प्रमुखले दाबी पेश गर्न आह्वान गरेलगत्तै कांग्रेस संसदीय दलका नेता इन्द्रबहादुर बानियाँले दाबी पेश गरेका हुन् ।

उनलाई नेपाली कांग्रेसका ३७ र नेकपा एमालेका २७ सांसदको समर्थन छ । जुन ११० सदस्यीय प्रदेशसभामा मुख्यमन्त्री नियुक्तिका लागि पर्याप्त हो ।