गोरखापत्र जलाउन खोज्दा सन्तोष राजावादी पक्राउ

पत्रिकामा छापिएको एउटा लेखका कारण गोरखापत्र जलाउन खोज्दा एक जना पक्राउ परेका छन् ।

गोरखापत्रमा मंगलबार छापिएको निरहार ब्रतले स्वास्थ्यमा प्रतिकुल असर लेखको विरोधमा सन्तोष राजावादी भन्ने सन्तोषकुमार सिलवालले पत्रिका जलाउन खोजेका थिए ।

उनलाई पत्रिका च्यातेर जलाउन खोज्दा पक्राउ गरिएको जिल्ला प्रहरी परिसर काठमाडौंले जनाएको छ । सन्तोष राजावादी हिन्दूधर्म र राजसंस्था पुनर्स्थापना हुनुपर्ने माग गर्दै भएको आन्दोलनका सक्रिय सहभागी हुन् ।

२०८१ चैत १५ मा तीनकुनेमा राजावादीको प्रदर्शनका क्रममा भएको हिंसात्मक घटनामा संलग्नको आरोपमा उनी पक्राउ पनि परेका थिए । अदालतमा थुनछेक बहसपछि उनी धरौटीमा छुटेका थिए ।