कैलालीको गोदावरीमा पौडी खेल्दा डुबेर ४ किशोरको मृत्यु

कैलालीको गोदावरी नगरपालिका–९ भल्कास्थित खुटिया खोलामा पौडी खेल्ने क्रममा ४ जनाको मृत्यु भएको छ । 

बिहीबार दिउँसो पौडी खेल्ने क्रममा कैलालीकै धनगढी उपमहानगरपालिका–५ तारानगरका १७ बर्षका सक्षम जोशी,  हसनपुरका १७ बर्षका प्रतीक चौधरी, धनगढी-४ उत्तरबेहडीका १७ बर्षका जाबेज भण्डारी र १५ बर्षका जेब भण्डारी बेपत्ता भएका थिए । 

घटनाबारे जानकारी पाएपछि सशस्त्र प्रहरी बल, नेपाल नं. ७ बैद्यनाथ बाहिनी मुख्यालय कैलालीबाट पाँच जना गोताखोर, नं. ४३ रिजर्भ गण वनबेहडा कैलालीबाट विपद् व्यवस्थापन तथा नेपाल प्रहरीको संयुक्त टोली खोजतलासको लागि परिचालन भएको थियो ।

करीब २ घण्टापछि चारै जनाको शव फेला पारेको सशस्त्र प्रहरी बलका प्रवक्ता डीएसपी शैलेन्द्र थापाले जानकारी दिए ।