प्रहरी हुँ भन्दै घरभित्र गएर मोवाइल लुटपाट, २ जना पक्राउ 

काठमाडौंको बालाजु बाइपासमा प्रहरी हुँ भन्दै खानतलासीको बहानामा मोवाइल लुटपाट गर्ने दुई जनालाई प्रहरीले पक्राउ गरेको छ । 

पक्राउ पर्नेमा कैलालीको बर्दगोरिया गाउँपालिका–२ घर भई बानियाँटार बस्ने २९ वर्षका हेमराज ढुंगाना र कैलालीकै जोशीपुर गाउँपालिका–१ घर भई बानियाँटार बस्ने ३१ वर्षका विनोद केसी रहेका छन् । 

उनीहरुले प्रहरी हुँ भन्दै खानतलासी गर्नुपर्ने भन्दै मानिसहरुको घरभित्र प्रवेश गरेका थिए । त्यसपछि मोवाइल लुटपाट गरेर भाग्न खोजेका थिए । 

उनीहरुको साथबाट ओप्पो, सामसङ, रियलमी, रेडमी र भिभो कम्पनीका एक एक थान मोवाइल बरामद भएको जिल्ला प्रहरी परिसर काठमाडौंका प्रवक्ता अपिलराज बोहराले जानकारी दिए ।