०८४ मा एमालेले एकल बहुमत ल्याउँछ : ओली 

नेकपा एमालेका अध्यक्ष केपी शर्मा ओलीले २०८४ सालको आम चुनावमा आफ्नो पार्टीले बहुमत ल्याउने दाबी गरेका छन् । 

शुक्रबार ललितपुरको गोदावरीमा पार्टीको विधान महाधिवेशन उद्घाटन कार्यक्रममा उनले २०८४ को चुनावमा एमालेले एकल बहुमत ल्याउने दाबी गरेका हुन् । 

‘चौरासीमा हामीले कम्तीमा एकल बहुमत ल्याउनुपर्छ । यदि हामी जनताका बीचमा सक्रियतापूर्वक गयौं भने हाम्रा सम्पूर्ण पार्टी, जनवर्गीय संगठनका सम्पूर्ण कमिटी र कार्यकर्ता, सदस्य र समर्थक परिचालन गरेर जनताका बीचमा गयौं भने बहुमत ल्याउन कसैले पनि रोक्न सक्दैन । बहुमत ल्याउनेछौं’, उनले भने । 

प्रधानमन्त्री ओलीले आफूहरु सरकारमा भएकाले चुनावमा कसैले धाँधली गर्न पनि नसक्ने बताए । ‘निष्पक्ष, स्वतन्त्र शान्तिपूर्ण वातावरणमा निर्वाचन हुन्छ, दुष्प्रभावबाट मुक्त निर्वाचन हुन्छ’, उनले भने ।