लोकतान्त्रिक प्रक्रियाबाटै निकास खोज : मानव अधिकार आयोग

राष्ट्रिय मानव अधिकार आयोगले जेनजी आन्दोलनपछिको अन्योलतालाई लोकतान्त्रिक विधि र प्रक्रियाबाटै निकास दिन आग्रह गरेको छ ।

बुधबार एक विज्ञप्ति जारी गरी आयोगले लोकतन्त्रको विकल्प लोकतन्त्र मात्र हुन सक्नेमा दृढ रहेको उल्लेख गरेको छ ।

‘अतः जनताका हक अधिकारलाई थप मजबुत र सुरक्षित बनाउँदै लोकतान्त्रिक विधि र प्रक्रियाबाट नै वर्तमान अन्योलताबाट देशले यथाशीघ्र राजनीतिक निकास पाउनुपर्दछ’, आयोगका प्रवक्ता टीकाराम पोखरेलले विज्ञप्तिमा भनेका छन् ।

संकटको घडीमा स्थितिलाई सामान्य बनाउन राज्यका सबै निकाय र आम नागरिकको सकारात्मक र सक्रिय भूमिका आवश्यक रहेको आयोगले बताएको छ ।

हेर्नुहोस् मानव अधिकार आयोगको विज्ञप्ति