ट्रम्प समर्थक चार्ली कर्कको गोली हानेर हत्या

२४ भदौ, काठमाडौं । चार्ली कर्क अमेरिकाका सबभन्दा हाइप्रोफाइल कन्जरभेटिभ कार्यकर्ता र मिडिया हस्तीमा एक थिए । कर्क अमेरिकी राष्ट्रपति डोनाल्ड ट्रम्पका विश्वासिलो सहयोगी थिए ।

३१ वर्षका कर्क देशभरका कलेज तथा क्याम्पसहरुमा ओपन एयर डिबेट्स आयोजनाका लागि परिचित थिए । बुधबार युटाको एक कलेजमा उनको गोली हानेर हत्या भएको छ ।

कर्कका बुबा आर्किटेक्ट थिए । शिकागोको एक कम्युनिटी कलेजमा पढे । तर राजनीतिका लागि पढाई छाडे ।

सन् २०१२ मा बाराक ओबामा जब दोस्रो पटक राष्ट्रपति निर्वाचित भए, टर्निङ प्वाइन्ट युएसए (टीपीयूएसए) को उनको सक्रियता बढ्यो ।

यो संगठनको उद्देश्य फ्री ट्रेडदेखि सरकारको अधिकारलाई सिमित राख्नुपर्छ भन्ने विचार राख्नेहरुलाई संगठित गर्नु हो । यसको संगठन अमेरिकाको ८५० भन्दा बढी कलेजमा छ ।

२०२० मा उनले द मागा डक्ट्रिन नामक किताब लेखे, जुन बेस्ट सेलर साबित भयो । यो किताबमा उनले ट्रम्पको मेक अमेरका ग्रेट अभियानको वकालत गरेका छन् ।

टीपीयूएसएले पछिल्लो चुनावमा मतदाताहरुको नाम दर्ता गराउने र एरिजोना राज्यमा ट्रम्पको पक्षमा समर्थन जुटाएको श्रेय समेत पाएको छ ।

कर्क, ट्रम्पको दुबै कार्यकालमा ह्वाइट हाउसका नियमित पाहुना थिए ।