3 Minute

वाणिज्य बैंकबाट लुटिएको ५ लाख १० हजार प्रहरीलाई फिर्ता

नेपाल शो

आइतबार, भदौ २९, २०८२

वाणिज्य बैंकबाट लुटिएको ५ लाख १० हजार प्रहरीलाई फिर्ता

जेनजी आन्दोलनका क्रममा भदौ २४ गते राष्ट्रिय वाणिज्य बैंक नयाँ बानेश्वर शाखाबाट लुटिएको ५ लाख १० हजार रुपैयाँ प्रहरीले फेला पारेको छ ।

उक्त रकम ललितपुर महानगरपालिका–११ बस्ने ३७ वर्षका सुरेश देउलाले प्रहरीलाई बुझाएका हुन् ।

जिल्ला प्रहरी परिसर ललितपुरका अनुसार देउलाले बैंक लुटपाट हुँदा बाटोमा भेटेको ५०० दरको नयाँ नोट ५ लाख रुपैयाँ र बाटोबाट टिपेको १० हजार ५०० रुपैयाँ आइतबार प्रहरीलाई बुझाएका हुन् ।

जेनजी आन्दोलनका क्रममा संसद भवन परिसरमै रहेको वाणिज्य बैंकको शाखामा लुटपाट भएको थियो । प्रहरीले आन्दोलनका क्रममा लुटपाट भएका सामान फिर्ता ल्याउन अपिल गरेको छ ।

प्रकाशित मिति: आइतबार, भदौ २९, २०८२