अर्थमन्त्री खनालले सरकारी गाडी र क्वार्टर नलिने 

अन्तरिम सरकारको अर्थमन्त्री रामेश्वर खनालले सरकारी गाडी र क्वार्टर नलिने बताएका छन् । आइतबार प्रधानमन्त्री सुशीला कार्कीको सिफारिसमा कार्की अर्थमन्त्री नियुक्त भएका छन् । नवनियुक्त मन्त्रीहरुको सोमबार दिउँसो शपथ तय भएको छ । 

तर अर्थमन्त्री खनालले सरकारी गाडी प्रयोग नगर्ने र आफ्नै गाडी चढ्ने बताएका छन् । त्यस्तै सरकारी निवासमा नबस्ने, निजी सुरक्षाकर्मी (पीएसओ) नलिने, नामको अगाडि माननीय नलेख्ने र अर्थतन्त्रलाई गति दिने शर्त राखेका उनका एक सहयोगीले जानकारी दिएका छन् । 

प्रधानमन्त्री सुशीला कार्कीको सिफारिसमा आइतबार गृह र कानुनमन्त्रीमा ओमप्रकाश अर्याल र ऊर्जामन्त्रीमा कुलमान घिसिङ पनि नियुक्त भएका छन् ।