बागमती प्रदेशसभाका सभामुखले दिए राजीनामा

बागमती प्रदेशसभाका सभामुख भुवन पाठकले राजीनामा दिएका छन् । उनले बुधबार उपसभामुख अप्सरा चापागाईंलाई पत्र लेखेर राजीनामा दिएका हुन् । 

भ्रष्टाचार र सुशासनको पक्षमा जेनजी पुस्ताले गरेको आन्दोलनमा सरकारले अति बल प्रयोग गर्दा धेरै नेपालीले अनाहकमा ज्यान गुमाएकाले आफू भावविह्वल भएको उनले बताएका छन् । 

‘राष्ट्र रोएका बेला नेपाली जनताको चाहना र युवा पुस्ताको भावना विपरीत बसिरहनु सर्वथा अनुचित हुन्छ भन्ने अन्तर आत्मामा  लाग्यो’, उनले भनेका छन् । पाठकले यसअघि भदौ २४ गते सामाजिक सञ्जालबाट राजीनामा घोषणा गरेका  थिए । बुधबार भने औपचारिक रुपमा उपसभामुखलाई राजीनामा बुझाएका हुन् । 

पाठकले धेरै युवाले ज्यान गुमाएको र देशका सम्पदा जलेर खरानी भएका बेला आफूलाई पदमा बस्न मन नलागेको बताए । 

हेर्नुहोस् पत्र