3 Minute

भाटभटेनी स्टोरमा थप एक जनाको शव भेटियो

नेपाल शो

बुधबार, असोज १, २०८२

आज भाटभटेनीको कोटेश्वर स्टोरमा पनि जलेको अवस्थामा एउटा शव भेटियो । जलेको शव नजिकै भेटिएको सिमकार्डका आधारमा प्रहरीले उनी रामेछाप खाँडादेवीका विकास रसाइली भएको पहिचान गरेको छ ।

जेन जी आन्दोलनका क्रममा भदौ २४ गते भाटभटेनीका विभिन्न स्टोरमा आगलागी भएको थियो । यसअघि भाटभटेनीको चुच्चेपाटी स्टोरमा ७ वटा, धरानमा ४ र विराटनगरमा एउटा शव जलेको अवस्थामा भेटिएको थियो ।

आज कोटेश्वरमा एक जनाको शव भेटिएपछि भाटभटेनी स्टोरमा जलेर ज्यान गुमाउनेकै संख्या १३ पुगेको छ । जेनजी आन्दोलनमा ज्यान गुमाउनेको संख्या ७४ पुगेको छ ।

प्रकाशित मिति: बुधबार, असोज १, २०८२