सेयर बजारमा पहिरो, तीनपटक सर्किट ब्रेक लागेर बन्द 

भदौ २३ र २४ जेनजी आन्दोलनपछि पहिलोपटक खुलेको सेयर बजारमा ठूलो पहिरो गएको छ । बजारमा तीन पटक नेगेटिभ सर्किट ब्रेक लाग्यो । 

त्योसँगै बिहीबारको कारोबार स्थगित भएको छ । सर्किट लाग्दै बजार ६ प्रतिशतले घटेपछि पूरा दिन कारोबार नहुँदै बन्द भयो । 

कारोबार खुलेको पहिलो बजार ४ प्रतिशत घट्दै सर्किट ब्रोक लाग्यो । त्यसको २० मिनेटपछि खुलेको बजार १ मिनेटमै १ प्रतिशतले घटेपछि दोस्रो सर्किट ब्रेक लाग्यो ।

११ः२३ बजेसम्म नै नेप्से परिसूचक ५ प्रतिशतले घटिसकेको थियो । 

बन्द भएको बजार ४० मिनेटपछि फेरि खुल्यो । फेरि बजार १ प्रतिशत घटेसँगै आजको कारोबार बन्द भयो । 

नेप्से एकैदिन १६० अंकले घटेको छ । बजार २५११ मा कायम भएर बन्द भएको छ । ४ मिनेट मात्रै कारोबार हुँदा बजारमा ७२ करोड ८७ लाख रुपैयाँको कारोबार भएको थियो । 

कारोबारमा २१७ कम्पनीले गुमाए । ७ वटा कम्पनीको सेयर मात्रै हरियो बसे ।