कुलमानले भने – देशको हितका लागि जुनसुकै जिम्मेवारी लिन तयार छु

नेपाल विद्युत प्राधिकरणको कार्यकारी निर्देशकबाट बर्खास्तीमा परेका कुलमान घिसिङले देशको हितका लागि कुनै पनि जिम्मेवारी लिन तयार रहेको बताएका छन् । शुक्रबार पत्रकार सम्मेलन गरेर उनले आफ्नो भनाइ लिखित रुपमा राखे । 

त्यस क्रममा उनले आफू जनताको सेवाप्रति समर्पित रहने बताएका छन् । ‘मेरो प्रतिवद्धता सधैं जनताको सेवाप्रति समर्पित रहनेछ । राष्ट्र निर्माणमा जहाँ मेरो आवश्यकता पर्छ, त्यहाँ योगदान दिन म सदैव तयार छु ।’ 

त्यस क्रममा पत्रकारहरुले उनलाई अब राजनीतिमा आउने हो भनेर प्रश्न गरेका थिए । जवाफमा कुलमानले देशको हितका लागि आफू जुनसुकै जिम्मेवारी लिन तयार रहेको बताए । 

डेडिकेटेड र ट्रंकलाइनको विद्युत वक्यौता लाइन काटेर उठाउन अनुमति दिन आफूले विद्युत नियमन आयोगलाई पत्र लेखेपछि आफूलाई हटाइएको कुलमानले बताएका छन् । 

उनले अब विद्युत वक्यौता उठाउन जनस्तरबाट दबाब दिनुपर्ने पनि बताएका छन् । 

हेर्नुहोस् कुलमानको वक्तव्य