3 Minute

भगवती न्यौपाने सामान्य प्रशासनमन्त्री नियुक्त

नेपाल शो

मंगलबार, असार ३१, २०८२

भगवती न्यौपाने सामान्य प्रशासनमन्त्री नियुक्त

राष्ट्रियसभा सदस्य भगवती न्यौपाने संघीय मामिला तथा सामान्य प्रशासन मन्त्री नियुक्त भएकी छन् । घुस लेनदेनको अडियो सार्वजनिक भएपछि सामान्य प्रशासन मन्त्री राजकुमार गुप्ताले मंगलबार राजीनामा दिएका थिए ।

उनले राजीनामा दिएपछि प्रधानमन्त्री केपी शर्मा ओलीले तनहुँकी न्यौपानेलाई मन्त्री सिफारिस गरेका हुन् ।

राष्ट्रपति कार्यालयका अनुसार मंगलबार राष्ट्रपति रामचन्द्र पौडेलले न्यौपानेलाई मन्त्री नियुक्त गरेका छन् । पछिल्लो समय न्यौपाने राष्ट्रियसभामा एमाले संसदीय दलको मुख्य सचेतक थिइन् । उनी २०७६ सालमा गण्डकी प्रदेशबाट राष्ट्रियसभा सदस्य निर्वाचित भएकी थिइन् ।

प्रकाशित मिति: मंगलबार, असार ३१, २०८२